Madaxweynaha Jamhuuriyadda Federaalka Soomaaliya mudane Xasan Sheekh Maxamuud ayaa si rasmi ah magaalada Jowhar ee xarunta gobolka Shabeelaha dhexe uga furay shirka maamul u sameynta shabeelaha Dhexe iyo Hiiraan.
Munaasabadda Furitaanka shirkaasi ayaa waxaa ku sugnaa ergooyin matalaya labada gobol,siyaasiyiin,aqoonyahano, masโuuliyiin ka tirsan maamulada shabeelaha dhexe iyo Hiiraan,Xildhibaanno,wasiiro,iyo marti sharaf kale.
Madaxweynaha Dalka Xasan Sheekh Maxamuud oo hadal ka jeediyay munaasabadda furitaanka shirkaasi ayaa sheegay in muhiim ay tahay dhisida maamul loo sameeyo gobolada shabeelaha dhexe iyo Hiiraan, waxaana uu ugu baaqay Odayaasha labada gobol in ay xoojiyaan islamarkaana ay dar dar galiyaan dhisida maamulka.
Madaxweynaha Jamhuuriyadda Federalka Soomaaliya mudane Xasan Sheekh Maxamuud ayaa balan qaaday in dowlada ay ka shaqeyneyso sidii loo dhameytiri lahaa dhisida maamulka labada gobol ayna fududeyneyso wax walbo oo fududeyneya dhismaha maamulka.
Inta munaasabadda ay socotay ayaa waxaa ka hadlay waxgaradka,Siyaasiyiinta,Odayaasha,iyo madaxdii ka qeyb galay xafladaasi ayaa sheegay in ay ku faraxsanyihiin dhismaha maamulka la dhisayo ayna ka shaqeyn doonaan sidii uu u najixi lahaayeen qorshayaasha lagu doonayo barnaamijka heer federal oo ku hirgalo labada gobo.
Waxaa siweyn loo adkeeyay dhamaanba ammniga magaalada Jowhar gaaraan jidadka galla xarunta uu shirka ka furmay, iyadoo lagu arkayo ciidammo isugu jira kuwa dowladda iyo AMISOM.
