Madaxwyenaha Dawladda Goboleedka Puntland Dr. Cabdiweli Maxamed Cali Gaas ayaa maanta 31 July 2017 soo kormeeray gigida diyaaradaha Garoowe oo dhismihiisu gebogebo marayo.
Kormeerkan ayaa waxaa Mudane Gaasย ku wehelinayey Wasiirka Wasaaradda Duulista iyo Hawadda ee Puntland iyo ku xigeenkiisa, masuuliyiin isugu jirey Wariiro iyo xildhibaano, saraakiil ka tirsan Madaxtooyada dawladda Goboleedka Puntland, guddoomiyaha gobolka Nugaal iyo masuuliyiin kale.
Madaxweyanaha Puntland ayaa ugu horayn soo kormeeray dhammaan dhismaha garoonka, isagoona dul istaagay qiimeeyeyna ย meel kasta oo shaqo ka socotey garoonka dhexdiisa, waxaana uu ka xogwaraystay shaqaalaha ka shaqaynaayey dhismaha garoonka sida ay shaqadu u socoto.
Sidoo kale Madaxweynaha Puntland ayaa ku amaanay masuuliyiinta Wasaaradda Duulista iyo Hawadda ee dawladda Goboleedka Puntland sida wanaagsan ee ay uga soo baxeen shaqada loo igmaday, isla markaana waxa uu xaqiijiyey in tayo ahan iyo bilic ahaanba garoonka loo hirgeliyey sidii qorshuhu ahaa.
Dhinaca kale madaxweynaha Puntland ayaa xaqiijiyey in dhismaha garoonku marayo wejigii ugu danbeeyey, isla marโahaantaana lasoo afmeeri doono inta hadhay wakhti aan fogeyn Insha Alla.
Ugu Danbayntii, Madaxweynaha Dawladda Goboleedka Puntland Dr. Cabdiweli Maxamed Cali Gaas ayaa kula dardaarmay hawl-wadeenada gacanta ku haya dhismaha garoonka diyaaradaha Garoowe oo ay ugu horeeyaan madaxda Wasaaraddu ย inay markasta xasuusnadaan in dhismahani muhiimad gaara u leeyahay kaabayaasha horumarineed ee dawladda Goboleedka Puntland, madaama uu ka qayb qaadanayo horumarka, bilicda, isku xidhka, isla markaana u kaalin weyn ka qaadan doono ilaha dhaqaale ee dalka.
==DHAMMAAN==
