Madaxweynaha Dowlad Gobaleedka Hirshabeelle Mudane Cali Guudlaawe Xuseen iyo wafdi uu hoggaaminayo ayaa maanta soo gaaray Magaalada Muqdisho.
Madaxweynaha iyo wafdigiisa ayaa si diiran loogu soo dhaweeyay garoonka Diyaaradaha ee Aden Cadde,iyadoo halkaas ay kusoo dhaweeyeen Wasiiro, Xildhibaanada labada Aqal ee Baarlamanka Federaalka Soomaaliya, xubnaha labada gole ee Hirshabeelle, Siyaasiyiin iyo qeybaha kala duwan ee bulshada.
Imaatinka Madaxweynaha Dowlad Goboleedka Hirshabeelle Mudane Cali Guudlaawe Xuseen iyo wafdi uu hoggaaminaayo ayaa ku soo beegmay xilli si rasmi ah uu maamulkiisa u soo gabogabeeyay doorashada Golaha Shacabka gaar ahaan kuraastii taalay Hirshabeele, iyadoo todobaadka na soo aadan lagu wado in Baarlamanka Federaalka Jamhuuriyadda Soomaaliya doorto Madaxweyne cusub. 
