Madaxweynaha Dowlad Gobaleedka Jubaland Axmed Maxamed Islaam Axmed Madoobe iyo wafdi uu hoggaaminayo ayaa maanta soo gaaray Magaalada Muqdisho.
Wafdiga uu Madaxweynaha hogaaminayay oo kooban labada gole ee maamulka Jubaland ayaa waxaa garoonka diyaaradaha Aadan Cadde kusoo dhoweeyay mas’uuliyiin ka tirsan Xukuumadda Federaalka.
Axmed Maxamed Islaam Axmed Madoobe, madaxweynaha Jubbaland ayaa magaalada Muqdisho kaga qeyb galaya shir ay yeelanayaan madaxda golaha wadatashiga Qaran.
Ra’iisul Wasaaraha xukumadda Federaalka Soomaaliya Mudane Maxamed Xuseen Rooble, ayaa ku casuumay madaxda Golaha Wadatashiga Qaranka shir maanta ka dhacaya Muqsisho, kaas oo la isaga wareysanayo howlihii ka qabsoomay arrimaha doorashooyinka Dalka tan iyo heshiiskii 27-kii May iyo dardar gelinta shaqooyinka harsan doorashooyinka Dalka.
