Madaxweynaha Dawlad goboleedka Puntland Cabdiweli Maxamed Cali Gaas ayaa maanta gelinkii danbe waxaa uu magaalada Gaalkacayo kula kulmay cuqaasha, nabadoonada iyo waxgaradka Gobolka Mudug gaar ahaan magaalada Gaalkacyo.
Kulankan oo ay ka qeybb galeen qaybaha kala duwan ee bulshada Gobolka Mudug ayaa waxaa kaloo ka qeyb galay mas’uuliyiin ka tirsan golayaasha Puntland iyo sidoo kale saraakiil ka tirsan Madaxtooyada Puntland, kulankaas oo ahaa kulan xog waran ayaa waxaa odayaashu ay Madaxda warbixin ka siiyeen guud ahaan xaaladda Gobolka Mudug gaar ahaan magaalada Gaalkacyo.
Dhinaca kale cuqaasha, nabadoonada iyo waxgaradkii ka qayb galay kulanka ayaa waxay ku tiiqtiiq sadeen sida ay u arkaan dagaalada soo noqnoqday ee ka dhacay magaalada Gaalkacayo iyo sida ay ula muuqato aragtidooda sidii xal waara loogu heli lahaa sidii magaalada Gaalkacayo iyo bulshada ku dhaqan ay u heli lahaayeen xasilooni iyo xal waara oo lagu xasiliyo nabad gelyada magaalada Gaalkacayo.
Madaxweynaha Dawlad goboleedka Puntland Dr. Cabdiweli Maxamed Cali Gaas ayaa cuqaasha iyo nabadoonada Gobolka Mudug uga mahad celiyay sida ay markasta ugu howlanyihiin sidii loo qaboojin lahaa xaaladda magaalada Gaalkacayo, wuxuuna tilmaamay in Puntland ay kaalin weyn ka geysan doonto sidii bulshada magaalada Gaalkacyo ay nabad-elyo iyo deris wanaag ugu wada noolaan lahaayeen.
