Wednesday, October 29, 2025
  • Nagu Saabsan
  • Nala Soo Xiriir
Radio Muqdisho
  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir
  • Login
No Result
View All Result
Radio Muqdisho
Home Wararka

Madaxweynaha: ‘’Fursadda ah in la cafiyo kuwa diyaarka u ah inay ka haraan fikirka khaldan, weli way furan tahay’’

Abdirahman Gacaltooyo by Abdirahman Gacaltooyo
10 years ago
in Wararka, Xulashada
0
Madaxweynaha oo ka digay musuqa iyo ku takri falidda shaqaalaha
0
SHARES
Share on FacebookShare on TwitterShare on WhatsAppShare on TelegramShare on LinkedIn

Muqdisho, 23 July 2015: Madaxweynaha Jamhuriyadda Federaalka ee Soomaaliya, Mudane Xasan Sheekh Maxamuud, ayaa soo dhoweeyay guusha Ciidammada Qalabka Sida ee Soomaaliya iyo kuwa AMISOM ay ku qabsadeen degmada Baardheere ee gobolka Gedo, oo ka mid ahayd goobaha yar ee weli ay ku dhuumaleysanaayeen kooxda argagixasada ah ee Al Shabaab.

“Markii aan talada dalka qabtey, waxaan muhimadda koowaad ka dhigtey hawsha nabad ka aslaaxinta dalka iyo sugidda amniga. Saddex sanno ka hor dad badan ma rumeysneyn in go’aankaasi aanu gaarney uu suurageli karo. Laakiin kuwii fikirkaasi aaminsanaa maanta wax ka duwan ayaa u muuqda, waxaana u caddaatey in balanqaadkeenii uu dhab noqday’’, ayuu yiri Madaxweynaha.

Related posts

Wasiirka Deegaanka oo Booqday Safaaradda Soomaaliya ee Jarmalka

Wasiirka Deegaanka oo Booqday Safaaradda Soomaaliya ee Jarmalka

October 28, 2025
Ra’iisul Wasaare Ku-xigeenka oo furay kulan looga hadlayay dardargelinta Mashruuca Sabuun ee Jowhar

Ra’iisul Wasaare Ku-xigeenka oo furay kulan looga hadlayay dardargelinta Mashruuca Sabuun ee Jowhar

October 28, 2025

Madaxweynaha ayaa sidoo kale sheegay in guusha ciidammada Soomaaliya iyo kuwa AMISOM ay ku qabsadeen Baardheere ay war wanaagsan u tahay shacabka Soomaaliyeed.

“Waa in aan marnaba laga shakin go’aanka dowladda. Waxaa laga yaabaa in dagaalka dalka lagu xasilinayo uu noqdo mid adag, laakiin waxaa weli sidii u taagan go’aanka aniga iyo qeybaha kale ee ina taageeraya aanu qaadaney, iyadoo weliba adkeysiga qarankeenu leeyahay uu maalinba maalinta ka sii dambeysa sii xoogeysanayo’’.

Madaxweynaha ayaa mar kale sheegay in kooxaha xagjirka ah ay weli haystaan fursad ay shacabkooda dhinac uga raacaan.

“Ma jiro mustaqbal wanaagsan oo laga dhaxlayo xagjirnimada. Weli albaabadeena way u furan yihiin kuwa diyaarka u ah inay dagaalka joojiyaan, ee doonaya inay ku soo biiraan dadaalka dib u dhiska dalka, ee uu shacabku wada taageersan yahay. Hadda ayayna fursaddaasi jirtaa. Mustaqbalka Soomaaliya waxaa uu ku jiraa gacmaheena. Waa inaan ku haminaa danta dalkeena oo ku jirta nabadda iyo amniga oo la sugo’’.

Madaxweynaha ayaa ugu dambeyntii tacsi u direy qoysaskii ay ka baxeen geesiyaashii naftooda u hurey u adeegista qarankooda.

“Aan u wada duceyno geesiyaashii ciidammada ka tirsanaa ee dhintey iyagoo qarankooda u adeegaya. Waxaan tacsi u dirayaa qoysaska iyo eheladii ay ka tageen.”

-DHAMMAAD-

Daud Aweis
Afhayeenka Madaxtooyada
Jamhuriyadda Federaalka ee Soomaaliya
Email: [email protected]

 

Previous Post

Khudbadihii madaxda ee xafladda caleemasaarka madaxweynaha Galmudug oo socota

Next Post

Shil gaari oo ay dadku dhinteen oo ka dhacay degmada Kaaraan “SAWIRRO”

Next Post
Shil gaari oo ay dadku dhinteen oo ka dhacay degmada Kaaraan “SAWIRRO”

Shil gaari oo ay dadku dhinteen oo ka dhacay degmada Kaaraan "SAWIRRO"

Wasiirka Deegaanka oo Booqday Safaaradda Soomaaliya ee Jarmalka

Wasiirka Deegaanka oo Booqday Safaaradda Soomaaliya ee Jarmalka

October 28, 2025
0

Wasiirka Wasaaradda Deegaanka iyo Isbeddelka Cimilada Soomaaliya, Sarreeye Guud Bashiir Maxamed Jaamac, ayaa booqasho rasmi ah ku tagay xarunta safaaradda...

Ra’iisul Wasaare Ku-xigeenka oo furay kulan looga hadlayay dardargelinta Mashruuca Sabuun ee Jowhar

Ra’iisul Wasaare Ku-xigeenka oo furay kulan looga hadlayay dardargelinta Mashruuca Sabuun ee Jowhar

October 28, 2025
0

Ra’iisul Wasaare Ku-xigeenka XFS, Mudane Saalax Axmed Jaamac ayaa maanta furay kulan looga hadlayay dardargelinta Mashruuca Jowhar Off-stream Storage Programme...

Wasiirka Caddaaladda XFS oo furay tababar ku saabsan Habka Diyaarinta Miisaaniyadda ee Wasaaradda

Wasiirka Caddaaladda XFS oo furay tababar ku saabsan Habka Diyaarinta Miisaaniyadda ee Wasaaradda

October 28, 2025
0

Wasiirka Caddaaladda iyo Arrimaha Dastuurka ee Xukuumadda Federaalka Soomaaliya, Mudane Xasan Macalin Maxamuud ayaa maanta si rasmi ah u furay...

Guddoomiyaha Golaha Shacabka oo shir guddoomiayay kulanka aan caadiga ahayn ee guddiga joogtada ah

Guddoomiyaha Golaha Shacabka oo shir guddoomiayay kulanka aan caadiga ahayn ee guddiga joogtada ah

October 28, 2025
0

Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya Mudane Sheekh Aadan Maxamed Nuur (Madoobe) oo ay wehliyaan Guddoomiye Ku-xigeenka Koowaad...

LIVE STREAM

KUBIIR ASXAABTEENNA

DHAGAYSO WARKA

Warka Subaxnimo

Warka Duhurnimo

Warka Fiidnimo

Facebook Twitter Telegram Instagram Youtube

TAARIIKHDA RAADIYAHA

Radio Muqdisho waxaa la aas aasay 1951 sagaal sano ka hor xorriyadda dalka, laga soo bilaabo 1960 ilaa maanta waa Raadiyaha kaliya ee Dalku leeyahay, wuxuuna leeyahay keyd weyn oo ay ku jirto taariikhda wadanka.

LASOO DEG APP-KEENA

Categories

  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir

© 2022 Radio Muqdisho

No Result
View All Result
  • Bogga Hore
  • Wararka
  • English News
  • Barnaamijyada
  • Shaqooyinka
  • Nala Soo Xiriir

© 2022 Radio Muqdisho

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In