Madaxweynaha maamul goboleedka Galmudug C/kariin Xuseen Guuleed ayaa sheegay in maamulkiisu sii kordhin doono howlgallada ka dhanka ah maleeshiyaadka Shabaab ee ku sugan deegaanno ka tirsan maamulkaasi.
C/kariin Xuseen Guuleed madaxweynaha maamulka Galmudug oo xalay dib ugu soo laabtay magaalada Cadaado ayaa sheegay in maamulkiisu uu ku rajo weynyahay in waqtiyada soo socda ay maleeshiyaadka Shabaab ka xoreeyndoonaan deegaano ka mid ah gobollada Galgaduud iyo Mudug.
Related posts
“Haddaan nahay Galmudug waxaa naga go’an la dagaallanka maleeshiyaadka shar wadayaasha ah waxaana diyaar u nahay anaga iyo dadka Galmudug in deegaannada weli ku harsan gacanka maleeshiyaadka Shabaab, marka waxaan ugu baaqayaa shacabka reer Galmudug iney u diyaargaroobaan arrintaasi” ayuu yiri madaxweynaha Galmudug.
Galmudug ayaa todobaadyadii la soo dhaafay bariga Mudug dagaal kula gashay maleeshiyaad ka tirsan Shabaab iyadoo ciidamaduna ay guulo waaweyn ka soo hooyeen howlgalkaasi.
