Madaxweynaha Dowlad Goboleedka Galmudug Mudane Axmed Cabdi Kaariye oo ay wehliyaan Wasiirka Howlaha Guud iyo Duqa magaalada Gaalkacyo ayaa dhagax dhigay wajiga koowaad mashruuc lagu dhisayo waddada isku xirta magaalada iyo Garoonka Diyaaradaha ee Gaalkacyo.
Mashruuca lagu dhisayo waddadan ayaa waxaa maalgaliyay Midowga Yurub, waxaana maamuli doona Dowlad Goboleedka Galmudug.
Duqa Degmada Gaalkacyo Cabdiraxmaan Sheekh Xasan Jimcaale oo ugu horeyn ka hadlay dhagax dhiga biloowga dhismaha waddada ayaa xusay in Gaalkacyo ahmiyada gaar ah u ledahay dhismaha waddadan
Xildhibaan Ubax Tahliil Warsame ayaa balan qaaday in kaalinteeda gaarka ah ay ka qaadan doonto qurxinta waddada oo ay xustay in ay ugu tabaruceyso kun geed.
Wasiirka Wasaaradda Howlaha guud ee Galmudug Axmed Dhiblaawe Casir ayaa xusay in dadaal dheer loo galay mashruucaan iyo mashaariic kale oo ay gacan ka siinayaan hirgalinteeda Midowga Yurub
Madaxweynaha Galmudug Mudane Axmed Cabdi Kaariye Qoorqoor ayaa dhankiisa sheegay in ay ku dadaali doonaan in waddadaan laga dhigo mid laamiya, iyadoo la isku tashanayo, lagana faa’iideysanayo mashaariicda lagu horumarinayo deegaannada Galmudug.
