Madaxweynaha dowlad goboleedka Galmudug iyo wafdi uu hogaaminayo ayaa gelinkii dambe ee shalay dib ugu soo laabtay magaalada Gaalkacyo kadib markii ay safar deg-deg ah ugu ambabaxeen magaalada Muqdisho si ay ugu qeyb-galaan Aaska Marxuumiintii ku dhintay weerarkii bahalnimo ee sharwadayaasha al-Shabaab ku qaadeen hotel Suxufi, gaar ahaan Xildhibaan Cabdi Maxamed Abtidoon, Ganacsade Cabdirashiid Shire Ilqeyte iyo Abaaduulihii hore ee XDS Cabdikariin Yuusuf Aaden.
Madaxweynaha ayaa markii uu soo gaaray Gaalkacyo waxuu kula hadlay Saxaafada waxuuna yiri โwaxay naga wada istaahilaan marxuumiintaasi inaan doorkooda xusno, falka noocaan oo kale ahna wuxuu nagu sii dhiirageliyaa inaanu sii laba jibaarno dadaalki ay wadeen ee ku aadanaa samata bixinta iyo dib u dhiska dalkeenaโ.
Related posts
โDagaalka lagu sifeynayo argagaxisada waa in la sii xoojiyo, isla markaana Dowladda Federaalka, Dowlad Goboleedyada iyo ciidamada AMISOM ay xooga wada saaraan sidii loo cirib tiri lahaa argagaxisada. Haddii aan argagaxisada laga ciribtirin dalka waxey ku dhiiranayaan falalka noocaan oo kale ah. Dowladda GalMudug iyadoo kaashaneysa Dowlada Dhexe iyo Beesha caalamka waxaa ka goโan in ay deegaanadeeda ka cirib tirto argagaxisadaโ ayuu yiri Madaxweyne Guled.
