Madaxweynaha dowlad goboleedka Galmudug mudane Axmed Cabdi Kaariye (Qoorqoor) iyo wafdi ballaaran oo uu hoggaaminayay oo galabta socdaal dhanka dhulka ah ku gaaray magaalada Af-barwaaqo ee gobolka Mudug ayaa si weyn loogu soo dhoweeyay.
Wafdiga Madaxweynaha oo ay qeyb ka ahaayeen Xildhibaano iyo wasiiro ka tirsan dowladda federaalka iyo maamulka Galmudug ayaa waxaa si diirran u soo dhaweeyay qeybaha kala duwan ee bulshada.
Madaxweyne Qoorqoor ayaa maalmihii lasoo dhaafay socdaal uu ugu kuur gelayo xaaladda deegaannada Galmudug ku marayay qeybo kamid ah degmooyinka iyo tuullooyinka dowlad goboleedka Galmudug.
