Tababarkani oo ahaa mid lagu baranayay kaalinta haweenku ay ka qaadan karaan dib u heshiisiinta iyo nabadeynta bulshada Soomaaliyeed islamarkaana fulintiisa ay iska kaashanayeen Hay’addaha G.S.A Norsom iyo Yme ayaa maanta loogu soo xiray magaalada galkacyo ee xarunta Gobalka mudug ilaa iyo 45 haween ah kuwaasi oo ka kala socday ururada haweenka Gobalada mudug Galguduud iyo Hiiraan qaarkood
Munaasabadda xiritaanka tababarkaan oo qeyb ka ahaa tababaro sanadihii udambeeyay gobalada dhaxe deegaano ka tirsan uga socday haweenka ayaa waxaa ka soo qeyb galay madaxweynaha Galmudug Cabdi Xasan Cawaale Qeybdiid xubno ka tirsan golaha wasiirada iyo baarlamaanka Galmudug iyo saraakiil ka socatay Hay”addaha baarnaamijkaani fulinayay ee G.S.A Norsom iyo Yme ayaa waxaa ugu horeyn ka hadlay C/laahi Cumar kaahiye oo ku hadlayay magaca hay’addahaasi taaba galinta tababarkani iska kaashanayay.
C/llaahi Cumar kaahiye ayaa waxa ugu horeeyn u sharaxaad ka bixiyay qorshaha laga leeyahay tababarkaan waxaana uu sheegay in uu yahay mid looga gol leeyahay in nabada laga soo dhiso salka maadaama hooyadu ay tahay udub dhaxaadka bulshada isagoona tilmaamay in tababarkani uu yahay kii sedaxaad ee lagu qabto Magaalada Galkacyo islamarkaana uu
qeyb ka yahay barnaamij loogu magac daray Gun ka soo dhiska nabada kaasi oo lagu qabtay dalka iyo dibadda
Xiritaanka Munaasabada tababarka ayaa intii ay socatay waxaa ka hadlay qaar ka mid ah haweenkii ka faa’ideeystay kuwaasi oo sheegay in mudadii uu socday ay ka barteen macluumaad farabadan islamarkaan fure u noqan kara wadadii nabadda
Madaxweynaha Galmudug Cabdi Xasan Cawaale Qeybdiid oo isna gunanadkii munaasabada ka hadlay ayaa uga mahad celiyay hay’addihii tababarka fulintiisa iska kaashaday sida markasta ay ugu taagan yihiin in bulshada Gobalada Dhaxe ay uqabtaan baarnaamijyo isugu jira wacyi
galin iyo sidii qof kasta uga shaqeeyn lahaa nabadda Bulshada kuwada nool Gobaladda Dhaxe maadaama xiligan gobolada qaarkood ay ka jirto colaado
Madaxweyne Qeybdiid ayaa dhanka kale waxa uu ugu baaqay bulshada ku nool Goballada dhaxe in ay nabadda ka shaqeeyaan.
Sawir Qaade:-C/risaaq Maxamed Axmed (Gaalkacyo)
