Madaxweynaha Maamul Goboleedka Galmudug Cabdi Xasan Cawaale Qaybdiid oo dhawaan ku dhawaaqay in uu yahay Musharax u taagan Qabashada Xilka Madaxweynaha Maamulka lagu wado in loo dhiso Gobolada Mudug iyo Galgaduud ayaa waxaa uu galinkii Dambe Ee Shalay gaaray Degaanka xaradheere Ee Gobolka Galgaduud Halkaas oo ay ku soo dhaweeyeen Bulshada Degaankaas ku Dhaqan.
Cabdi qaybdiid ayaa waxaa uu la kulmay Qaybaha kala duwan Ee Bulshada ku dhaqan Degaanka Xeraale Ee Gobolkaas Galgaduud Isagoo ka Codsanayay in ay Codkooda siiyaan Maadaama uu Musharax yahay waxaana uu balan qaaday in wax badan oo hormar ah uu u qaban doono Dadka Goboladfa Mudug iyo Galgaduud Daga Hadii Xilkaas loo Doorto.
Mr Qaybdiid ayaa waxaa uu safar ku soo maray Degmada Cadaado Ee Gobolka Galgaduud isagoo shaaciyay in uu mari doono Degmooyinka kale Ee Gobolka sida Xarunta Gobolka Dhuusa Mareeb .Caabudwaaq Guriceel Balan bal iyo Matabaan iyo kuwa kale dhamaantoodna waxaa uu doonayaa in Dadka Degan uu Taageero uga helo Musharaxnimadiisa Maamulka Goboladas loo sameynayo in uu Hogaamiyo.
Tiro badan oo Musharixiin ah ayaa isu soo taagtay Xilka Madaxweynaha Maamulka labadaas Gobolk kuwaas oo dhamaantood Balanqaadyo u sameeyay Dadka Goboladaas Daga Dhawaan ayaana lagu wadaa in Maamulkaas Dhismihiisa la guda galo.
