Madaxweynaha Dowlad Goboleedka Hir-Shabeelle Cali Guudlaawe Xuseen ayaa ka tacsiyadeeyay dadkii ku dhintay weerarkii arxan darada ahaa ee khawaarijtu ku qaadeen Xeebta liido ee Magaalada Muqdisho.
Madaxweyen Cali Guudlaawe ayaa Naxariistii Janno Eebbe u weeydiiyay dadka ku dhintay Weerarkaas, halka uu caafimaad u rajeeyay kuwa ku dhaawacmay, wuxuuna sheegay in khawaarijta dowladda kaliya aysan beegsan, hayeeshee Dadka Shacabka ah ay bartilmameed u yihiin.
Cali Guudlaawe oo ka hadlay soo dhaweeyn loogu sameeyay degaan Miir Taqwo ayaa sheegay in ay beenowday in khawaarijtu ay la dagaalsan yihiin Dowladda Soomaaliya, kaliya hayeeshee ay mar walba weerarada iyo Qaraxyada ku dhibaateeyaan Shacabka Soomaaliyeed ee aan waxba galabsan.
Shacabka Soomaaliyeed ayuu ugu baaqay inay hal meel uga soo wada jeestaan, isla markaan ay u midoobaan dagaalka ka dhanka ah Argagixisada si Guud ahaan dalka oo dhan looga xoreeyo.
