Madaxweynaha Dowlad Goboleedka Hirshabeelle Mudane Cali Cabdullaahi Xuseen “Cali Guudlaawe” ayaa qaabilay Wafdi ay hogaamineysay Wasiir ku-xigeenka Wasaaradda Haweenka iyo Horumarinta Xaquuqda Aadanaha ee Xukuumadda Soomaaliya Marwo Xiis Xasan oo howlo shaqo u jooga magaalada Jowhar,
Kulanka Madaxweynaha Hirshabeelle uu la qaatay Wafdiga Wasiir ku-xigeenka Haweenka, waxaa kaloo ka qeybgalay ururrada haweenka ee ka dhisan Gobolada Hiiraan iyo Shabeelaha Dhexe, kaasi oo looga hadlay qoondada haweenka ay ku leeyihiin Baarlamaanka in uu noqdo mid lama taabtaan ah.
Marwo Xiis Xasn ayaa Madaxweynaha Hirshababeelle Mudane Cali Guudlaawe Xuseen ka codsatay xaqiijinta qoondada Haweenka ee 30% xilligan oo loo diyaar garoobayo doorashooyinka heer Federaal.
Madaxweynaha Dowlad Goboleedka Hirshabeelle Mudane Cali Cabdullaahi Xuseen ayaa xaqiijiyay inuu ku dadaali doono sidii uu u sugi lahaa qoondada Haweenka ee 30%.
