Madaxweynaha dowlad goboleedka Hirshabeelle Cali Cabdullaahi Cosoble iyo wafdi uu hoggaaminayo ayaa gaaray magaalada Buula-burde ee gobalka Hiiraan, xili halkaas ay ka jirto xiisado colaadeed.
Madaxweynaha Hirshabeelle iyo Wafdigiisa ayaa halkaas u tagay sidii ay u xalin lahaayeen xiisada ka taagan degmadaas, iyadoo waliba shalay halkaas lagu dilay askari ka tirsan ciidanka AMISOM gaar ahaan kuwa Jabuuti.
Cali Cabdullaahi Cosoble ayaa waxaa ku wehlinaya socdaalkiisa mas’uuliyiin ka tirsan dowladda, saraakiil ka tirsan AMISOM iyo masuuliyiin kale oo ka tirsan maamulka Hirshabeelle.
