Wafdi uu hoggaaminayo Madaxweynaha Dawlad goboleedka Hirshabeelle, mudane Maxamed Cabdi Waare oo wehliyaan Madaxweyne ku xiggeenka maamulkaasi, Wasiiro iyo Xildhibaano, ayaa maanta gaaray magaalo xeebeedka Warsheekh ee Gobolka Shabeelle Dhexe.
Wafdiga ayaa waxaa soo dhaween u sameeyey Masuuliyiinta magaalada Warsheekh, Waxgarad iyo qeybaha kala duwan ee Bulshada.
Madaxweynaha Dawlad Goboleedka Hirshabeelle, Mudane Maxamed Cabdi Waare iyo wafdigii uu hoggaaminayo ayaa kulan la qaatay Maamulka degmada Warsheekh, waxaana ay ka wada hadleen Amniga, Horumarka Degmada iyo arrimo kale.
