Madaxweynaha dowlad goboleedka Hirshabeelle Mudane Cali Guudlaawe Xuseen oo ku hadlaya afka Golayaasha Dowladda iyo shacbiga Hirshabeelle ayaa ka tacsiyeeyay geerida Allaha u naxariistee Wasiirkii hore ee Beeraha Iyo Waraabka Dowladda Hirshabeelle Marxuum Xasan Axmed Muudeey oo galabta kooxo Dhagar qabayaal ah ay ku dileen Magaalada Muqdisho xili uu ka baxay Masaajid uu ku dukaday Salaada Casir.
“Innaa lillaahi Wa Innaa Ileyhi Raajicuun. Waxaan tacsi u dirayaa qoyska, qaraabada iyo bulshada Hirshabeelle ee uu ka geeriyoodey Alle ha u naxariistee Marxuum Xasan Axmed Muudeey. Marxuumku waxa uu ahaa shaqsi karti badan oo muddo u soo adeegayay Hirshabeelle waxa uuna door ku lahaa Aas-aaska dowlad dhiskii Hirshabeelle”
Madxaweynaha Hirshabeelle ayaa Alle uga baryay Marxuumka inuu Janatul Fardawsa ka waraabiyo, Ehelada, Qaraabada iyo Asxaabta uu ka baxayna uu Samir iyo Iimaan ka siiyo.
INNAA LILAAHI WA INAA ILEYHI RAAJICUUN.
