Wasiirka Qorsheynta, Maalgashiga iyo Horumarinta Dhaqaalaha Xukuumadda Federaalka Soomaaliya, Mudane Maxamuud Cabdiraxmaan Beenebeene ayaa maanta booqday Safaaradda Soomaaliya ay ku leedahay dalka aan walaalahanahay ee Jabuuti.
Safiirka Soomaaliya u fadhiya Jabuuti, Mudane Salaad Cali Jeelle ayaa Wasiirka iyo wafdiga uu hogaaminayo kusoo dhaweeyay dhismaha Safaaradda.
Labada dhinac ayaa yeeshay kulan kala war qaadasho ah oo u badnaa xaalada guud ee dalka, taasoo isugu jirtay dhinacyada siyaasadda, dhaqaalaha iyo horumarinta arimaha bulshadda.
Wasiir Beenebeene ayaa uga mahadceliyay Safiir Salaad Cali Jeelle soo dhaweynta uu u fidiyay wafdiga ka socday Wasaaradda Qorsheynta, Maalgashiga iyo Horumarinta Dhaqaalaha.
