Madaxweynaha Dowlad Goboleedka Hirshabeelle Mudane Cali Cabdullaahi Xuseen Guudlaawe ayaa maanta kulan kula qaatay magaalada Muqdisho qurbajoogta Hirshabeelle.
Mudane Cali Guudlaawe ayaa kulanka uu maanta la qaatay qurbajoogta Hirshabeelle waxaa lagu gorfeeyay sidii ay door uga qaadan lahaayeen horumarka deegaannada Hirshabeelle .
Wasiirka Wasaaradda Gargaarka Xukuumadda Federaalka Soomaaliya Khadiija Maxamed Diiriye ayaa sheegtay in loo baahan yahay ficil, waxaana goobta ay ku yaboohday $10,000, si loogu horumariyo mashaariicda horumarineed ee laga hirgelinayo deegaannada Maamulkaas.
Xildhibaannada Hirshabeelle qaarkood iyo xubno ka tirsan qurbajoogta Hirshabeelle ayaa ballanqaaday gaadiid iyo waxyaabo kale oo hadda si dhaqso ah loogu baahan yahay.
Mudane Cali Cabdullaahi Xuseen Guudlaawe Madaxweynaha Dowlad Goboleedka Hirshabeelle ayaa sidoo kale tilmaamay inuu diyaar u yahay madal-kasta oo looga hadlayo arrimaha Hirshabeelle inuu ku sugnaado, isagoo intaas ku daray in qurbajoogta Hirshabeelle ay ka rajeynayaan wax badan oo dan u ah deegaannada Hirshabeelle.
