Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta kulan la qaatay Safiirka Dowladda Ingiriiska ee Soomaaliya Danjire Kate Foster.
Madaxweynaha Hirshabeelle iyo Danjire Foster ayaa ka wada hadlay mashaariicda Dowlada Ingiriiska ugu tala gashay deegaannada Hirshabeelle gaar ahaan dhismaha xarumaha Madaxtooyada, Baarlamaanka iyo garoomada diyaaradaha deegaannada Hirshabeelle.
Sidoo kale waxaa kulanka looga hadlay muhiimadda ay leedahay hirgalinta golaha deegaanka ee degmooyinka oo waxtar badan u leh bulshada.
