Madaxweynaha Dowlad Goboleedka Hirshabeelle Mudane Cali Guudlaawe Xuseen ayaa maanta kulan la qaatay Madaxa ugu sareeya Hay’adda UNDP ee Soomaaliya Jocelyn Mason.
Kulankaan ayaa looga hadlay kor u qaadida mashaariicda Horumarinta iyo hirgelinta mashaariic waxtar u leh bulshada oo laga fuliyo dhamaan deegaanadii laga xureeyay kooxda khawaarijta alshabaab.
Madaxweynaha Hirshabeelle iyo Jocelyn Mason ayaa isla qaatay dardargalinta barnaamijyada xasilinta oo laga fulinayo deegaannada iyo degmooyinka laga xureeyay Khawaarijta si ay bulshada u hesho adeegyada muhiimka ah ee Dowladda.
