Madaxweynaha Dowlad Goboleedka Galmudug, mudane Axmed Cabdi Kaariye, ayaa shir gudoomiyay kulanka golaha Wasiirada ee Galmudug oo maanta ka qabsoomay Aqalka Madaxtooyada Galmudug.
Shirka ayaa warbixino looga dhageystay Wasaaradaha Amniga iyo Arrimaha Gudaha, Federaalka iyo Dib u heshiisiinta.
Wasaaradda Amniga ayaa soo jeedisay qorshaha dib u xoreynta deegaannada Galmudug, ayadoo sidoo kale Wasaaradda Arrimaha gudaha ay soo bandhigtay qorshayaasha xasilinta deegaanadaas (Stabilization strategy).
Ugu danbeyntii, xubnaha Golaha wasiirada ayaa soo bandhigay qorshe howleedka sanadka 2023.
