Madaxweynaha Dowlad Gobaleedka Hirshabeelle Mudane Cali Guudlaawe Xuseen, ayaa maanta guddoonshay shirka golaha Wasiiradda hirshabeelle.Shirka golaha, ayaa looga hadlay arrimaha amniga, dardargalinta dhismaha golayaasha deegaanka iyo mashaariicda horumarinta Beeraha.
Madaxweynaha, ayaa Wasaaradda Amniga gudaha ka dhageystay warbixinta howgalada lagu baacsanaayo kooxaha argagixisada ah ee ka socda degmooyinka, maxaas iyo matabaan oo laga gaaray guulo muhiim ah, iyadoo nabad diidka laga xureeyay deegaano badan.
Related posts
Madaxweynaha, ayaa Wasaaradda arrimaha gudaha ka dhageeystay warbixinta qorshaha kaga aadan dib u bilaabida dhismaha goleyaasha deegaanka, iyadoo Wasaaradu sheegtay in dhowaaan ay bilaabi doonto dhismaha golle deegaan si bulshada isu doorato.
Wasaaradda Beeraha iyo waraabka, ayaa golaha u soo gudbisay warbixinta shaqooyinka socda ee lagu haggaajinaayo kanaalada biyaha iyo kuwa la rajeynayo in wax ka qabad lagu sameeyo, Wasaaradda Beeraha, ayaa sidoo kale sheegtay in ay wadaan qorshe lagu horumarinayo Beerista Bariiska iyo dalagyada kala duwan oo faaโiido weyn u leh bulshadeena.
Madaxweynaha, ayaa bogaadiyay xubnaha golaha Wasiiradda, isagoo kula dardaarmay inay dardargaliyaan qabashada shaqooyinka culus ee horyaala.
