Madaxweynaha Hirshabeelle Mudane Cali Guudlaawe Xuseen oo ay wehliyaan Wasiir Ku Xigeenka Wasaaradda Gaashaandhigga XFS Mudane Cabdi Fitaax Qaasim Maxamuud iyo Taliyaha Ciidanka Xoogga dalka Janaraal Odawaa Yuusuf Raage ayaa maanta gaaray Degaanka Cali Gaduud ee Gobolka Shabeellaha Dhexe.
Madaxweynaha iyo Wafdigiisa waxaa Cali Gaduud kusoo dhoweeyay Qeybaha kala duwan ee Ciidamada Qalabka Sida waxa uuna bogaadiyay guulaha laga gaaray howlalada lagu ciribtirayo Khawaarijta arxanka daran ee alshabaab oo marwalba u taagan xasuuqa shacabka Soomaaliyeed.
Deegaanka Masaajid Caligaduud ayaa dhawaan laga xoreeyey Khawaarijta, waxaana socda abaabul kale oo argagixisada looga xoreynayo degmada Aadanyabaal iyo deegaano kale oo ka tirsan gobolka Sh/Dhexe.
