Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa dhambaal hambalyo ah oo ku aadan xuska sanadguurada 73 –aad ee ka soo wareegatay aas-aaska ciidamada Boliiska aawadeed u diray dhammaan ciidanka booliska ee ka howlgala dalka Soomaaliya.
Madaxweynuhu, waxa uu xusay doorka ciidamada Boliiska iyo kaalinta ay ka qaateen soo celinta nabadgelyada dalka iyo difaaca dadka iyo dalka,wuxuuna kula dardaarmay qeybaha ciidamada Boliiska inay sii laba laabaan howlaha adage e loogu adeegayo bulshada,isagoo dhanka kale ka codsaday shacbiga in ay la shaqeeyaan Boliiska.
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud,waxa uu ugu dambeyntii u tajeeyay saraakiisha, saraakiil xigeennada,alifleyda , dableyda iyo xaasaskooda in sanadkan kiisa kale ay ku gaaraan horumar iyo baraare.
