Madaxweynaha Jamhuuriyadda Federaalka Soomaaliya ahna taliyaha guud ee ciidamada qalabka sida mudane Xasan Sheekh Maxamuud ayaa ka hadlay howlgalki ay ciidamada Kumaandoosku ka fuliyeen deegaanno ka tirsan gobolka Sh/Hoose, kaasoo lagu dilay horjooge ka tirsanaa maleeshiyaadka Shabaab.
Madaxweyne Xasan Sheekh Maxamuud ayaa sheegay in howlgalkaasi oo qaatay habeen iyo maalin lagu dilay horjooge Xaan Cali Dhoore oo ka tirsanaa Shabaab isalamarkaana abaabulay qorshe lagu dhibaateeyn lahaa ummadda Soomaaliyeed, isagoo xusay in gacanta lagu soo dhigay maleeshiyaad ka nid ahaa argagixisada Shabaab.
Sidoo kale madaxweynaha ayaa bogaadiyay ciidamada ka qeybgalay howlgalkaasi, isagoo xusay iney ciidamadu sii wadi doonaan howlgallada dalka looga sifeeynayo argagixisada Shabaab.
“Kumaandooska Soomaaliya iyo Qubarro ka tirsan Ciidamada Mareykanka ee ku sugan Soomaaliya ayaa weerar ku qaaday saldhig uu daganaa horjooaha Amniyaadka u qaabilsan Al-shabaab Xasan Cali Doorre, waxay ay ciidamadu ka hortageen weerarro la qorsheynayay in lagu waxyeeleeyo shacabka Soomaaliyeed, ciidamada howlgalka sameeyay waxa ay gacanta ku soo dhigeen tiro ka mid ah maleeshiyaadka Al shabab, howlgaladaasina si joogta ah ayuu u socon doonaan” Ayuu yiri madaxweyne Xasan Sh. Maxamuud
Madaxweyne Xasan Sheekh Maxamuud ahna taliyaha guud ee ciidamada qalabka sida ayaa ku boorriyay shacabka Soomaaliyeed iney gacan ka siiyaan ciidamada sidii loo dabar goyn lahaa kooxda argagixisada ah ee Shabaab ee dhibaatooyinka ba’an ku haya ummadda Soomaaliyeed ee abriyada ah.
Waa markii labaad ee ciidamada Komaandooska Danab ay howlgallo noocan oo kale ah ka fuliyaan deegaanno ka tirsan gobolka Sh/Hoose.
