Madaxweynaha Soomaaliya, ayaa maanta madaxtooyada ku qaabilay wefdi ballaaran oo uu hoggaaminayey taliyaha ciidammada Melatariga dalka Ugand oo Muqdisho yimid.
Madaxweynaha J. Soomaaliya, Mudane Xasan Sheekh Maxamuud, waxaa ku wehliyey kulanka oo ku qaabilay taliyaha ciidammada Melatariga dalka Ugand, taliyaha ciidanka Xoogga, Abaalduulaha iyo taliyaha cidammada madaxtooyada Soomaaliya.
Maj Gen Katumba Wamala waxaa la socdey saraakiil ka tirsan ciidammada Uganda, madaxweynaha Soomaaliya waxa uu soo gaarsiiyey farriin uu iga siday madaxweynaha dalka Uganda Yoweri Museveni, madaxwyenaha, ayaa guddoomay.
Warbixin ku aadan howlaha ciidammada Ugdanda ee ka tirsan AMISOM ayuu siiyey madaxweynaha iyo sida dowladda dalkaasi Uganda uga go’antahay in ay sii waddo taageerada dhanka ciidammada.
Madaxweynaha ayaa u uga mahadceliyey booqashada uu Soomaaliya ku yimid iyo sida ciidamadooda ay uga howl-galaan Soomaaliya iyagoo garab siinaya walaalahooda Soomaaliyeed.
Madaxweynaha J. Soomaaliya, Mudane Xasan Sheekh Maxamuud, ayaa si kooban u sharraxaya waxyaabaha kulanka diiradda ku saareen iyo guulaha laga gaaray amniga doorashooyinka gabo-gabada ku dhow.
Ciidammada dalka Ugand iyagoo ka tirsan howlgalka AMISOM, ayeey Soomaaliya yimaadeen ย muddo ku dhow 10, sano, waxaana ay ka qeyb-qaataan howlgalada nabadda iyo kuwa la dagaallanka Al-Shabaab, waana ciidanka ugu badan ee howlgalka AMISOM ka tirsan.
