22 Febraayo 2015, Muqdisho: Madaxweynaha Jamhuuriyadda Djibouti, Mudane Ismaaciil Cumar Geelle iyo wafdigii uu hoggaaminayey ayaa maanta ka ambabaxay Garoonka Diyaaradaha Caalamiga ee Aadan Cadde ee Muqdisho, kadib markii ay u dhammaatey booqasho laba maalmood ah oo uu ku joogey Soomaaliya.
Intii uu dalka joogay Madaxweyne Geelle waxaa uu wadahadal la yeeshay Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud iyo masโuuliyiin kale oo ka tirsan Dowladda Federaalka Soomaaliya.
Related posts
Waxaa kale oo uu Madaxweyne Geelle oo uu wehliyo madaxweynaha Soomaaliya ay wadajir u dhagax dhigeen Akademiyad Goboleedka Afka Soomaaliga oo Muqdisho laga dhisayo iyo socdaal ay ku tageen magaalada Beledweyne ee gobolka Hiiraan.
Wafdiga waxaa garoonka diyaaradaha ee Muqdisho ku sii sagootiyey Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo madax kale.
DHAMMAAD
