Madaxweynaa dalka Jibuuti mudane Ismaciil Cumar Geelle ayaa hambalyo iyo bogaadin u diray R/wasaaraha Soomaaliya Xasan Cali Kheyre, isagoo u rajeeyay in uu Alle la garab galo xilka culus ee loo magacaabay.
Madaxweyne Geelle ayaa ku boorriyay R/wasaaraha dalka in uu ka shaqeeyo sidii ay mar kale Soomaaliya cagaheeda isugu taagi laheyd.
Sidoo kale madaxweynaha Jabuuti mudane Ismaaciil Cumar Geelle ayaa tilmaamay in ay muhiim tahay in R/wasaaruhu soo dhiso xukuumad tayo leh oo dalka ka saarta dhibaatada uu muddada dheer ku soo jiray.
Dhinaca kale madaxweyne Geelle ayaa xusay in dowladda Jabuuti ay markasta garab taagantahay dowladda iyo shacabka Soomaaliyeed.
