Madaxweynaha Jamhuuriyadda Jabuuti Mudan Ismaaciil Cumar Geelle ayaa Madaxweynaha Dalka iyo Ummadda Soomaaliyeed uga tacsiyadeeyay geerida ku timid Ra’iisul Wasaarihii hore ee dalka Marxuum Xasan Abshir Faarax oo shalay aas Qaran loogu sameeyay Garoowe.
War-saxaafadeed ka soo baxay Xafiiska Madaxweynaha Jabuuti ayaa lagu yiri sidan:
Madaxweynaha Jamhuuriyadda Jabuuti Mudane Ismaaciil Cumar Geelle wuxuu Tacsi tiiraanyo leh u dirayaa Walaalkii Madaxweynaha Jamhuuriyadda Federaalka ee Soomaaliya iyo shacabkiisaba, geerida naxdinta leh ee ku timid Ra’iisul Wasaarihii hore ee Soomaaliya Marxuum Xasan Abshir Faarax oo shalay lagu duugay Garoowe.
Madaxweynuhu, magaciisa ka Xukuumadda iyo kan shacabka Jabuuti ayuu Eebbe uga baryayaa in uu Marxuumka ka dhigo marti la jecelyahay, ummadda iyo ehelkii uu ka baxayna Samir iyo Imaan Allaha ka siiyo.
INNAA LILLAAHI WAA INNAA ILEYHI RAAJICUUN
