Madaxweynaha Jamhuuriyadda Federaalka Soomaaliya mudane Maxamed Cabdullaahi Farmaajo ayaa shacabka Soomaaliyeed ugu baaqay xoojinta midnimada iyo wada jirka.
Madaxweyne Farmaajo oo ka hadlayay munaasabadda ciida iyo gudashadii waajibaadka bishi Ramadaan ee tagtay, ayaa shacabka Soomaaliyeed u rajeyeey bash bash iyo barwaaqo in ilaahay uu ku gaarsiiyo sanadkan sanadkiisa,wuxuu sidoo kale ku baaqay in la garab istaago shacabka Soomaaliyeed ee danyerta ah,kuwaasi oo aan waxba haysanin.
Madaxweynaha ayaa soo hadal qaaday arrimaha nabad geliyada,wuxuuna ku baaqay in loo midoobo sidii loo xoojin lahaa ammaanka iyo xasiloonida dalka,isagoo sidoo kale mid muhiim ah ku tilmaamay midnimada iyo wada jirka Ummadda Somaaliyeed.
“Asalaama caleykum waraxmatulaahi Wabarakaatu,umadda Soomaaliyeed waxaan ugu hambalyeynaynaa munaasabadda Ciida,waxaan alle ka baryeynaa in uu inaga aqbalo acmaashii wanaagsanayd oo aan gudanay,gaara ahaan intii bisha Ramadaan lagu guda jiray,waxaana ku baaqayaa in loo gar gaaro dadka danyerta ah,in aan wada ilaalino midnimada iyo Wada Jirka”. ayuu yir Madaxweyne Farmaajo.
