Madaxweynaha Dowlad Goboleedka Jubbaland Mudane Axmed Maxamed Islaam ayaa Hambalyo u diray Ra’iisul Wasaaraha Cusub ee Xukuumada Federaalka ah ee Soomaaliya Mudane Xamze Cabdi Barre oo Caawa uu xilkaas u magacaabay Madaxweynaha JFS Mudane Xasan Sheekh Maxamuud.
Mudane Axmed Madoobe ayaa ku tilmaamay Mudane Xamze Cabdi Barre in uu yahay shaqsi hufnaan iyo karti u leh gudashada xilka Cusub ee loo magaacay, isla markana lagu xusuusto shaqooyinka wanaagsanaa ee uu dalka kasoo qabtay, isagoo wakhtigiisa iyo naftiisa u huray shaqooyinka waa weyn oo uu ugu adeegayay bulshada Soomaaliyeed wakhtiyo kala duwan.
Madaxweynaha Jubbaland ayaa Ra’iisul Wasaaraha magacaaban Alle uga baryay inuu la garab galo shaqada Cusub ee hortaala, isagoo ugu baaqay dhamaan shacabka Soomaaliyeed inay garab istaagan si uu u guto waajibaadka Qaran ee horyaala.
