Madaxweyne Dalka Koofur Afrika Sayril Ramaphosa, ayaa sheegay inay Dalal badan oo Afrika ah ku tallaabsadeen horumar muuqda, gaar ahaan xagga Dhaqaalaha, Siyaasadda iyo Bulshadda, wuxuuna tilmaamay inuu Ururka Midowga Afrika haatan ku socdo Dhabbihii saxda ahaa.
Ramaphosa, oo Magaalada Pretori ee Caasimadda Koofur Afrika kaga qayb galayay munaasabadda 55 guuradii kasoo wareegatay markii la unkay ururka Midowga Afrika (OAU) oo ku beegnayd Shalay 25-kii May 1963-kii, iyadoo 2002-dii loo beddelay Magaca African Union AU, ayaa ku dheeraaday guulihii iyo guul darrooyinkii soo wajahay Dalal ka mida Qaaradda Afrika.
Madaxweyne Ramaphosa, ayaa sheegay in 20 waddan oo Afrika ah ay qaban doonaan Sanadkan doorashooyin Madaxweyne iyo mid Baarlamaan , taas oo muujinaysa in si qoto dheer Qaaraddu ugu tallaabsanyso dhanka Dimoqraaddiyadda, isagoo rajo ka muujiyay inay haatan Khibrad u yeelatay Qaaradda Afrika sidii loo beddeli lahaa jewiga colaadaha, taasoo ay beddelkeeda kordhiyeen koboca dhaqaalaha.
Ramafoosa ayaa walaac ka muujiyay colaadaha ka jira Waddamada Koongada Dimoqraaddiga ah, Gobolka Saaxil, Liibiya, Soomaaliya iyo Dalka Koofurta Suudaan.
Wuxuuna Madaxweynuhu Dalalka I Very Coast, Gaana, Itoobiya, jabuuti , Sinigaal iyo Tansaaniyana ku tilmaamay inay ka mid yihiin 10-ka Waddan ee Qaaradda Afrika ugu horreeya xagga koboca dhaqaalaha.
Isha / VanGuard
