Madaxweynaha Dowlad goboleedka Koonfur Galbeed Mudane Shariif Xasan Sheekh Aadan oo maalmihii la soo dhaafey ku maqanaa safaro Dalka dibadiidsa ah ayaa maanta dib ugu laabtay magaalada Baydhabo ee Xarunta Kumeel Gaarka ah ee maamulka Koonfur Galbeed.
Mudane Shariif Xasan Sheekh Aadan oo safaradiisa ku kala bixiyey qaar ka mid ah Wadamada dariska ah sida Kenya iyo Ethiopia ayaa waxaa maanta goroonka diyaaradaha ee magaalada Baydhabo si diiran ugu soo dhaweeyey Wasiiro, Xildhibaanno, odayaal dhaqameed iyo Dadweyne aad u tiro badan oo ka kala socday xaafadaha iyo urarada bulshada, Kuwaas oo muujinayey taageerada ay u hayaan Madahaweynaha Koonfur Galbeed.
Madaxweynaha Koonfur Galbeed Mudane Shariif Xasan ayaa mid mid u gacan qaaday qaar ka mid ah mas’uuliyiinta iyo dadweynihii garoonka ku soo dhaweeyay, waxaana intaasi kadib uu socod lugta ah ku soomaray waddada is kuxirta Madaarka diyaaradaha iyo Aqalka Madaxatooyada, isaga oo ku dhexjira dhamaan dadkii ka qeyb qaadanayey soo dhaweyntiisa, taasi oo muujinaysa nabadgelyada ka jirta deegaanada KG.
Mudane Shariif Xasan ayaa salaan sharaf ka qaatay cutubyo ka tirsan ciidanka booliska gaarka ah ee Dawlad Gobaleedka KG, waxaana uu warbaahinta u sheegay in socdaalkiisa uu ku tegay dalalka dariska ah uu ku soo dhamaaday guul iyo is afgarad.
