Madaxweynaha cusub ee Maamul Goboleedka Koofur Galbeed Soomaaliya Cabdiasiis Xasan Maxamed Lafta gareen oo aqbalay codsigii bulshada reer Bakool oo ahaa in safarkiisa ugu horeeya uu ku bilaabo Gobolka Bakool ayaa maanta wafdi oo uu horkacayo waxaa si weyn loogu soo dhoweeyey magaalada Xudur ee xaruunta Gobolka Bakool.
Madaxweynaha Koonfur Galbeed ayaa ugu horeyn salaan sharaf ka qaatay ciidamada gaarka ah ee Koofur Galbeed Soomaaliya, waxaana uu mid mid u gacan qaaday bulshadii kala duwanayd ee soo dhoweyntiisa ka qeyb qaadanaysay.
Intaa ka dib Lafta gareen iyo wafdigiisa waxa loo galbiyey guriga martida ee Degmada Xuddur.
Ugu horeyn waxa ka hadley Guddoomiyaha Degmada Xuddur Maxamed Macalin iyo Guddoomiyaha Gobolka Bakool Maxamed Cabdi Tool waxayna sheegeen in ay ku faraxsan yihiin in madaxweynaha Koonfur Galbeed safarkiisii ugu horeeyey ku tego magaalada Xudur.
Madaxweynaha cusub ee Maamul Goboleedka Koofur Galbeed Soomaaliya Cabdiasiis Xasan Maxamed Lafta gareen oo lahadleyay bulshada ayaa ka mahadceliyey soo dhoweynta balaaran ee loo sameeyey isagoo xusey in kulamo gaar gaar ah uu layeelanayo Maamulka, Saraakiisha ciidamada iyo qeybaha kala duwan ee bulshada, waxana lagu wadaa in maalinta berito uu booqdo xarumaha bulshada loogu adeego ee ku yaalo Degmada Xudur.
