Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Lafta-gareen ayaa Xarunta Madaxtooyada magaalada Baydhabo kuso dhoweeyey Wafdi uu Hogaaminayey Wakiilka Qaramada Midoobay u qaabilsan Arimaha Soomaaliya James Swan oo ay qeyb ka ahaayeen Wafdiga Wakiilada Midowga Yuruv Nicolas Berlanga, Midowga Africaย Francisco Madeira iyo IGAD Jamaal Xaaji Axmed.
Soo dhoweyn kaddib Madaxweynaha Koonfur Galbeed iyo Xubno ka tirsan Golaha Wasiirada, Taliya Qeybta 60aad Ciidanka Xoogga Dalka Soomaaliyeed iyo Agaasimaha Guud Madaxtooyada ayaa xafiiska kulan kula qaatay wafdiga maanta Baydhabo gaaray, waxaana ay kawada hadleen arrimaha Doorashooyinka, Xiriirka Dowlada Federaalka iyo Dowlada koonfur Galbeed, Xoojinta Amniga xiliga kala guurka, Arimaha Gargaarka iyo ka hortaga Cudurka COVID-19.
Related posts
Wakiilada ka kala socday beesha Caalamka ayaa bogaadiyey doorka Mudane Cabdicasiis Lafta gareen ku lahaa qabsoomida shirkii looga hadlayey arrimha doorashooyinka ee u dhaxeyey Madaxda Federaalka iyo Dowladaha Xubnaha ka ah ee sideedii Septemar 2020 heshiis loo dhanyahay laga gaaray sido kale Madaxda ayaa amaanay dadaallada uu ku bixinayo Madaxweynaha Koonfur Galbeed wanaajinta xiriirka Dowlada Federaalka iyo Dowlad Goboleedyada si looga miradhalo hiigsiga Shacabka Soomaaliyeed oo ah horumar iyo Amni
Sidoo kale Wafdiga ayaa kala hadlay Madaxda Koonfur Galbeed sidii loo xaqiijin lahaa amniga goobaha la qorsheeyey inay doorashada ay ka dhacdo.
James Swan Wakiilka Qaramada Midoobay u qaabilsan arrimaha Soomaaliya oo Warbaahinta la hadlay ayaa waxa uu yiri “Waxaan bogaadinayaa Madaxweynaha Dowlad Goboledka Koonfur Galbeed Soomaaliya Cabdicasiis Xassan Maxamed Lafta-gareen, hanaanka Wanaagsan ee uu ku lahaa markii ay kulmeen Madaxda Dowlad Goboledyada Iyo Dowladda Federaalka Soomaaliya iyo kulamadooda, wixii kasoo baxay hanaanka doorasho ee Waqtigeeda ku saleeyanโ.
James Swan ayaa hadalkiisa ku daray โWaxaan ku amaanayaa kaalintii uu ku lahaa kulamada Muqdisho iyo kuwii ka horeyey ee Dhuusamareeb looga hadlayey Habsame u socodka Arrimaha Siyasadeed ee Soomaaliya oo Doorashooyinka ugu Horeysoโ.
Madaxweynaha Dowlad Goboleedka Koonfur Galbeed Mudane Cabdicasiis Xasan Maxamed Lafta gareen ayaa sheegay kulanka uu laqaatay Wakiilada Beesha Caalamka inuu ahaa mid looga hadlayey dardargelinta heshiisyadii Muqdisho lagu soo gebigebeyey ee ahaa Arimaha Doorashooyinka sidii Waqtigeeda u qabsoomi lahayd.
