Madaxweynaha dowlad goboleedka Puntland Dr.Cabdiweli Maxamed Cali Gaas ayaa maanta xarunta Madaxtooyada Puntland ee Garoowe ku qaabilay Wafdi balaaran oo ay hogaaminaysay Wasiirka Waxbarashada iyo Tacliinta sare ee Dawladda Federaalka Soomaaliya Khadra Bashiir Cali.
Kulankani oo ahaa mid muhiimad gaara u leh bahda waxbarasha Puntland ayaa intiii uu socday waxaa kamid ahaa qodobada laga wadahadlay tayeynta iyo kor uqaadista waxbarashada Soomaaliya, in la sameeyo xog isdhaafsi iyo booqashooyin lagu xoojinayo xiriirka wada shaqeyneed ee Wasaaradaha waxbarashada maamulka Puntland iyo tan DF Soomaaliya.
Dhinaca kale guddoomiyaha Jaamacada Umadda Soomaaliyeed oo qeyb ka ahaa kullanka ayaa Madaxda Puntland ka codsaday in la siiyo dhul ay Jaamacada Ummadu ka dhisato gudaha deegaannada Puntland, arintaasi oo Dr Cabdiweli Gaas uu siweyn u soo dhaweeyey.
Madaxweynaha maamulka Puntland Dr. Cabdiweli Maxamed Cali Gaas ayaa ugu dambeyntii Wefdiga ka socday Wasaaradda Waxbarashada ee Dowladda Federaalka ah Soomaaliya ee ay hogaaminaysay Wasiir Khadra uga mahadceliyey booqashada ay ku yimaadeen Puntland.
โ
