Madaxweynaha Jamhuuriyadda Federaalka Soomaaliya Xasan Sheekh Maxamuud ayaa sheegay in Dowladda Soomaaliya ay muhiim u tahay meelmarinta Sharciga la Dagaallanka Argagixisada ee hadda horyaalla Baarlamaanka, isagoo tilmamay Madaxweynaha haddii sharcigaan la Ansixiyo in si Awood leh Dowladda ay ula dagaallamikarto kooxaha argagixisada ah ee Dhibaateynaya dadka iyo dalka.
Madaxweynaha jahmuuriyadda federaalka Soomaaliya ayaa kula dar-daarmay xubnaha Golaha baarlamaanka jamhuuriyadda Soomaaliya in ay si hufan u wadaan shaqada hortaalla kalafadhigga 7-aad ee shalay furmay isla markaana ay Meelmariyaan sharciyada muhiimka u ah Jiritaanka hay’adaha Dowladda.
Mudane Xasan Sheekh Maxamuud ayaa Baarlamaanka uga warbixiyay Howlihii u Qabsoomay Dowladdiisa, isagoo sheegay in shirkii ugu dambeeyay ee lagu soo Gaba-gabeeyay Magaalada Muqdisho laga soo saaray qarraaro ururada bulshada iyo Hay’adaha kale ee Dowladda ay ku tagayaan Gobollada dalka si loo soo Uruuriyo Talada dadka Soomaaliyeed ee Hiigsiga Sannadka 2016’ka si markaas loo Helo doorasho loo wada dhanyahay.
