Madaxweynaha Jamhuuriyadda Soomaaliya iyo wafdi uu hoggaaminayo ayaa gaaray magaalada Dubai ee dalka Isu-tagda Imaaraadka Carabta.
Madaxweynaha ayaa wafdigiisa ayaa magaalada Dubai uga qeybgalaya shirka Madasha ganacsiga caalamiga ah ee sanadka 2015 “Global Business Forum 2015 “oo ay qabanqaabisay rugta ganacsiga iyo warshadaha Dubai, kaasoo maanta ka furmaya magaaladan Dubai isla markaana socon doona muddo laba maalmood ah.
Madaxweyne Xassan Sheekh Maxamuud ayaa shirkan ka jeedinaya khudbad ku aaddan ganacsiga Soomaaliya iyo sida ay dalka muhiim ugu tahay maalgashi lagu sameeyo si uu sare ugu kaco dhaqalaheeda iyadoo sidoo kalena ay khudbado ka jeedinayaan madax uu ka mid yahay madaxweynaha dalka Ruwanda, Pol Kigame.
Wafdiga madaxweynaha waxaa ka mid ah wasiirka arrimaha dibadda ee Soomaaliya mudane Cabdisalaan Hadliye Cumar,wasiiru dowlaha madaxtooyada mudane Mahad Maxamed Salaad iyo masuuliyiin kale
