Madaxweynaha Jamhuuriyadda Federaalka Soomaaliya, Mudane Xasan Sheekh Maxamuud, ayaa ka hadlay horumarkii ay Dowladdu ku tallaabsatay Afartii sano ee uu hayay xilka Ummadda Soomaaliyeed.
Mudane,Xasan Sheekh oo ka hadlayay munaasabad lagu soo bandhigayay wax qabadkii ay ku dhaqaaqday Dowladda uu hormuudka ka yahay intii ay shaqaynaysay, ayaa ka sheekeeyay in badan oo ka mid ah waddamadii ay Dowladda soo nooleysay cilaaqaadkii ay la lahayd kal hore iyo saaxiibbo cusub oo intooda safaarado ka furtay gudaha Dalka.
Aqoonsigii uu Maraykanka iyo Beesha Caalamka mar kale aqoonsadeen inay Soomaaliya tahay Dal madax bannaan oo ay u dhammaytiran yihiin haykalkii looga baahnaa Dowlad horay u tallaabsanaysa.
Wuxuu sidoo kale soo hadal qaaday madaxweynuhu warbixinnada dhiirri gelinta ah ee ay abuurtay Dowladdiisu,kuwaasoo sababaty iney mar walba beesha caalamka ku tilmaanto Soomaaliya Dal aan fashilmin balse kasoo kabanaya burbur dhan walba ah kuna furan yihiin dagaallo Argagixiso iyo kuwo dhaqaale, kuwaasoo ay in badan ku guuleysatay ka miran dhalin tooda.
Xasan sheekh Maxamuud, madaxweynaha Dalka ayaa shacabka xusuusiyay masuuliyiintii kusoo dhiirraday iney soo booqdaan Dalka iyo shirarkii heerka Caalami ahaa ee ka dhacay kuwaasoo uu ugu dambeeyay kulankii ay IGAD ku yeelatay Caasumadda Muqdisho.
Isagoo ka dhawaajiyay inay Dowladdu u abuurtay jewi ay ku maalgashadaan Dalka kuna samaystaan Ganacsiyo kala duwan,taasoo ka mid ahayd ballan qaadyadii uu sameeyay xilligii la dooranayay Xasan Sheekh Maxamuud.
Mudane Xasan Sheekh, Madaxweynaha Dalka, ayaa ugu dambayn ka marqaati kacay hoostana ka xarriiqay iney Beesha Caalamka iyo Bulshada Soomaaliyeedba isku raacsan yihiin iney Soomaaliya u dhaqaaqday dhanka Horumarka, wixii dhimmanna la dhammaytiri doono.
