Madaxweynaha Jamhuuriyadda Federaalka Soomaaliya, Mudane Xasan Sheekh
Maxamuud, ayaa ku dhawaaqay shirweyne loogu magac daray Tallo Qaran, oo
lagu uruurin doono tallooyinka shacabka Soomaaliyeed, si ay ugu howl-gasho
dowladda afarta sanno ee soo socota.
“waxa socdo qaban-qaabada shirweynaha aan ugu magac-daray tallo Qaran,
waxaa ka soo qeyb-gali doona Soomaalida gudaha iyo dibedda, u jeedadu waa
in la mideeyaa tallooyinka dadka Soomaaliyeed ee dhaxal-gal ah, waxaana ka
faa’ideysan doonta dowladda dhallan doonta, waxaan ku dedaalnay sidii aan u
horumarin lahayn Fikradaha bulshada, maadaama tallada dalka ay iyagu
leeyihiin” ayuu yiri Madaxweynaha Soomaaliya.
Madaxweynaha, ayaa sheegay in weli dowladdiisu ay aaminsan tahay in tallo
loo celiyo dadka Soomaaliyeed, waxaana ku kalsoonahay in shiweynahaasi ay
ka soo bixi doonaan tallooyin wax weyn ku soo kordhiya dalka iyo dadkaba.
