Madaxweynaha Jamhuuriyadda Federaalka Soomaaliya Mudane Maxamed C/laahi Farmaajo ayaa kulan deg deg ah la yeeshay Guddiga Gurmadka Abaaraha ee heer Qaran, Hayโadaha Gar gaarka ee Qaramada Midoobay, Midowga Yurub iyo Ganacsatada Soomaaliyeed.
Related posts
Kulankaan ayaa wuxuu ahaa mid madaxweynaha uu isugu yeeray dhammaan xubnaha ka soo qaybgalay waxaana looga hadlay sidii gurmad deg deg ah loogu samayn lahaa dadka ay Abaaruhu saameeyeen.
Madaxweyne Farmaajo ayaa sheegay in loo baahanyahay in loo Gurmado dadka Soomaaliyeed ee ku xoola belay Abaaraha ee haatan ku sugan gobalada Dalka inta aysan ka sii darin xaaladooda.
Wuxuu ku baraarujiyay ganacsatada, qurba joogta iyo hayโadaha gargaarkaba in ay ka qeyb qaataan samata bixinta dadka haatan Gurmadka u baahan.
โIntaan ka badan ma jirto wax aan sugi karno waa in Todobaadka soo socda aan bilownaa u Gurmashada dadkeena.โ Ayuu yiri Madaxweynaha Jamhuuriyadda Soomaaliya.
Guddiga Gurmadka Abaaraha Heer Qaran oo uu hoggaaminayay R/wasaare Ku xigeenka Dalka Maxamed Cumar Carte, Ganacsatada iyo xubnaha Hayโadaha gar gaarka ayaa soo dhoweeyay kulankaan waxayna isla qireen sida ay haatan muhiim u tahay in si deg deg ah loo gurmado dadka liita.
