Madaxweynaha Jamhuuriyadda Federaalka Soomaaliya ayaa lagu wadaa in uu maanta furo Kalfadhiga Sideedaad ee Baarlamaanka Federaalka Soomaaliya ahana kii ugu dambeeyay ee baarlamanka ayaa maanta ka furmaya xarunta golaha shacabka ee magaalada Muqdisho.
Guddoomiyaha Baarlamaanka Federaalka Maxamed Sheekh Cusmaan “Jawaari” ayaa sheegay in kalfadhigan Sideedaad uu noqonayo kii ugu dambeeyay, isagoo ugu baaqay Xildhibaanada inay ka soo qeyb galaan.
Related posts
βWaxaa maanta inoo furmaya kalfadhigii 8aad ee Golaha shacabka, waa kalfadhigii ugu dambeeyay, tan iyo markii Baarlamaankii la soo dhisay sanadkii 2012, waxaa uu Baarlamaankan mudadiisa ku eg tahay 20-ka Agostoβayuu yiri Guddoomiye Jawaari.
Guddoomiye “Jawaari” ayaa sheegay in kalfadhigan uu yahay mid muhiim ah, isla markaana loo baahan yahay dhamaan sharciyada hor-yaala Baarlamaanka la meel mariyo.
Kalfadhigan 8aad ee Baarlamaanka ayaa lagu wadaa in lagu meel mariyo sharciyo dhowr ah oo hor-yaala Baarlamaanka, waxaa ka mid ah sharciga la dagaalanka Argagixisada.
