Taalada Daljirka Dahsoon degmada Boondheere ee magaalada Muqdisho ayaa waxaa isugu yimaaday dadweyne aad u fara badan oo ku labisnay dhar qurux badan oo laga tolay calanka Jamhuuriyadda Soomaaliya,banbeyda Boliiska Soomaaliya mas’uuliyin kala duwan oo katirsan dowlada federaalka, Soomaaliya iyo maamulka gobalka Banaadir, si ay ugu dabaal dagaal 26 Juun oo ah maalinti gobalada Woqoyi ee Soomaaliya ay ka xuroobeen gumestihii Ingiriiska isla maarkaan ku began markii ugu horeysay ee Calanka Jamhuuriyadda Soomaaliya laga taago ciidda Soomaaliyeed iyadoo xor ah.
Madaxweyanaha Jamuuriyadda fedraalka Soomaaliya Mudane xasan Sheekh Maxamuud ayaa ubax dhigay taalada Daljirka Dahsoon isagoo dadweynihii halkaasi isugu yimid la qeyb saday farxada maal mahan Xurinimada Soomaaliya
Madaxweynaha ayaa salaan sharaf ka qaatay ciidanka Boliska Soomaliyed.
Wasaiirka Wasaaradda Warfaafinta, Dhaqanka iyo Dalxiiska ee xukuumada Soomaaliya ahna gudoomiyaha gudiga qaban qaabada maal mahan xuriyada ayaa warbaahinta kula hadlay taalada Daljirka Dahsoon isagoo sheegay in ay sii socon doonan munaasadaha loogu dabaal dagaayo maal maha Xuriyada.
Wasiirka wasaarada Warfaafinta ee dowlada Soomaaliya ayaa umadda Soomaaliyed ugu baaqay in loo istaago Midnimada Qaranka Soomaliyed.
26 Juun 27 Juun iyo 1da July ayaa ah maalma dadka Soomaaliyed aysan ilaabi karin waa maal maha ay umadda Soomaaliyed ay dhisten qaran key soo biirey dunida horUmartay maal mihii ay ka xuroobeen gumeystayaashi Talyaaniga,Ingiriiska iyo Faransiiska marka la gaaro maal mahaasi xuriyada waxaa gudaha dalka iyo diba lagu qabtaa munaasado loogu dabaal dagaayo xuriyada dalka iyadoo wadooyinka goobaha ganacsiga iyo guryahaba lagu xardho calanka Soomaaliya si loo muujiyo in ay tahay maalmo farxadeed.
