Madaxweynaha Dowlad Goboleedka Puntland Siciid Cabdullaahi Deni, ayaa qasriga Madaxtooyada ku qaabilay Xildhibaannada cusub ee Puntland ku metelaya labada Aqal ee Baarlamaanka Soomaaliya.
Xildhibaanadaan ayaa dhawaan lagu doortay labada deegaan doorasho ee Garoowe iyo Boosaaso ee Gobollada Nugaal iyo Bari.
Mudane Siciid Deni ayaa ugu horeyn u hambalyeeyay Xildhibaannada Labada Aqal ee Puntland ku matalaya Baarlamaanka Soomaaliya, isagoo kula dardaarmay inay si xilkasnimo ay ku jirto ay u gutaan waajibaadka Qaran ee loo igmaday.
