Madaxweynaha jamhuuriyadda iyo wafdi ballaanran oo uu hoggaaminayo ayaa la filayaa inay saacadaha soo socda ay ka Amba-baxaan dalka, iyagoo ku sii jeeda Waddanka Boqortooyada Sacuudiga.
Madaxweynaha ayaa la kulmi doona Boqorka Sacuudiga Boqor Salmaan Bin Cabdulcasiis iyagoo ka wada hadli doona xiriirka labada dal iyo sida loo xoojin lahaa.
Sida aanu ku helayno Wararka Wafdiga Madaxweyne Xasan Sheikh Maxamuud Waxaa ka mid ah Wasiirka Warfaafinta Dhaqanka iyo Dalxiiska Mudane Maxamed Cabdi xayir Maareeye iyo wasiirka Maaliyadda Maxamed Aadan Ibraahim Farkeeti Iyo mas’uuliyiin kale.
Safiirka Dowladda Soomaaliya u fadhiya Waddanka Boqortooyada Sacuudiga Danjire Daahir Maxamuud Geelle ayaa sheegay in ay muhiim tahay in Soomaaliya iyo Boqortooyada Sacuudiga ay ka wada hadlaan Xoojinta Xiriirkooda iyo iskaashi Dhexmara labada waddan.
Wasiirka Arrimaha dibadda Xukuumadda Soomaaliya Cabdisalaan Hadliye Cumar ayaa horay u joogay Waddanka Boqortooyada Sacuudiga.
