Madaxweynaha Jamhuriyadda Federaalka ee Soomaaliya Mudane Xasan Sheekh Maxamuud ayaa dhambaal hambalyo ah oo ku saabsan munaasabadda 1da- Luulyo, ka heley Madaxweynaha Jamhuriyadda Talyaaniga Mudane Sergio Mattarella.
Madaxweyna Matarrella ayaa dhambaalkiisa ku yiri “Xuska sannadguurada 55-aad ee xornimada Jamhuriyadda Federaalka Soomaaliya awgeed, anigoo ku hadlaya magacayga iyo kan shacabka Talyaaniga , ayaa waxaan kuu soo dirayaa hambalyo iyo anigoo idin rajeynaya nabadgelyo iyo xasilooni waarta oo ka dhalata Soomaaliya’’.
Waxaa kale oo uu Madaxweynaha Talyaaniga dhambaalkiisa uu ku taageeray dadaalada nabad dhisidda iyo dib u heshiisiinta ee ay horseedka ka tahay Dowladda Federaalka Soomaaliya, isagoo sheegay in dadaaladaasi ay xoojinayaan xiriirka taariikhiga iyo saaxiibtinimada ka dhexeysa labada dal.
(SWITZERLAND) DHANKA KALE Madaxweynaha Jamhuriyadda Federaalka Soomaaliya, Mudane Xasan Sheekh Maxamjud waxaa u dhambaal kale oo ku aaddan xuska 1-da Luulyo ka helay Madaxweynaha Xiriirka Federaalka ee dalka Switzerland Ms Simonetta Sommaruga.
Madaxweyne Simonetta waxay dhambaalkeeda ku sheegtay inay Soomaaliya u rajeyneyso horumar iyo barwaaqo, iyadoo dhanka kalena sheegtay inay rajeyneyso in xiriirka iyo iskaashiga labada dal uu sii xoogeysto mustaqbalka.
