Madaxweynaha Waddanka Turkiga oo booqasho hal maalin ah ku jooga dalka Jabuuti ayaa maashaariic cusub ka furay dalkaasi.
mudane Recep Tayyip Erdoğan ayaa Madaxtooyada dalka jabuuti waxa uu kula kulmay Madaxweynaha dalka jabuuti Mudane Ismaaciil cumar geelle iyo Mas’uuliyiin kale Sida Ra’iisul wasaaraha dalkaas, isagoo kala hadlay Sidii Dowladda Turkiga Mashaariic uga fulin lahayd jabuuti, Madaxweyne Recep ayaana dhagax dhigay dhismo wadooyin ah oo ay dhisidoonaan Turkiga.
Sidookale Marwada Madaxweynaha Dalka Turkiga oo ay wehliso Marwada Madaxweynaha Jabuuti ayaa Booqday Xarunta Hooyooyinka jabuuti, iyagoo u kuur kalayay xaaladda Haweenka Jabuuti iyo Caqabadaha ay la kulmaan.
Wariyaha Warbaahinta Qaranka ee Jabuuti Sagal Saciid Faarax ayaa soo sheegaysa in Madaxda dalkaasi Turkiga uu hogaaminayo Madaxweynaha ay heshiis ku aadan Horumarinta Waxbarashada, Caafimaadka iyo dhaqaalaha kala saxiixday Madaxweynaha Jamhuuriyadda Jabuuti Ismaaciil cumar Geelle.
Wafdiga Madaxweynaha dalkaasi Turkiga oo aad u badan ayaa sidookale tagay xarunta Baarlamaanka dalka jabuuti, waxaana Booqashadaas xarunta Baarlamaanka ku wehliyay Madaxweynaha Jabuuti.iyo mas’uuliyiin kale.
