Madaxweynaha Jamhuuriyadda Federaalka Soomaaliya, Mudane Xasan Sheekh Maxamud ayaa maanta xarigga ka jiray Wadada Wadanaha ee magaalada Muqdisho oo ay dib u dhis ku sameysay dowladda Soomaaliya .
Guddoomiyaha Gobolka Banaadir Ahna Duqa magaalada Muqdisho Yusuf Xuseen Jimaale ayaa sheegay in dib u dhiskaan lagu sameeyey wadada Wadnaha ay ka qeyb ka tahay baaqii Madaxweynaha Soomaaliya Mudane Xasan Sheekh oo ahaa dalkaaga dhiso.
Madaxeynaha Jamhuuriyadda Federaalka Soomaaliya Mudane, Xasan Sheekh Maxamud oo ka hadlay furitaanka wadada ayaa sheegay in wadada Wadnaha lagu dhisay canshuurta a bixiyaan shacabka Soomaaliyeed .
“Wadadaan oo muddo dheer aanan helin dib u dhis, waa la dhisay sidaad aragtaan , waxaana laga dhigay wado qurux badan . Wadadaan waxaa lagu dhisay hanti iyo xoog Soomaaliyeed, tani waa biloow tusaale u ah inaan isku tashanay, waxna qabsan karno. Dhammaan dadka Soomaaliyeed waxaan leeyahay hambalyo hana arkeen awoodda ay leeyihiin oo ay dalkooda ku dhisanayaan. Qorshaheenu wuxuu yahay inaan dhisno dhammaan waddooyinka ku yaala magaalooyinka iyo kuwa isku xiray gobollada dalka oo dhan”
Ugu dambeyntii, Madaxwenaha Jamhuuriyadda Federaalka Soomaaliya, Mudane Xasan Sheekh Maxamuud ayaa uga mahad-celiyey shacabka Soomaaliyeed sida ay uga qeyb qaadanayaan dib u dhiska dalkooda.
