Munaasabadda Caleema saarka madaxweyanaha Dowlad goboleedka Galmudug Mudane C/kariim Xuseen Guuleed oo ka socota Magaalada Cadaado ayaa qeybta hore ee Khudbadaha la soo gaba gabeeyay, iyadoo masโuuliyiintii ka hadlay halkaasi ay kuu dheeraadeen ka sheekeynta muhiimada dadka iyo dalka uu u leeyahay maamulkani.
Madaxweynaha Dowlad goboleedka Galmudug mudane C/kariim Xuseen Guuleed oo halkaasi khudbad ka jeediyay ayaa ugu mahadceliyay ka qeyb galayaasha xaflada caleema saarkiisa ka soo qeyb galay, isagoo sheegay in khudbadiisa uu dib u dhiganayo caawa laakiin uu ku soo dhaweyanayo madaxweyaha Dalka.
Related posts
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo khudbad ka jeediyay halkaasi ayaa ka sheekeeyay dadaaladii lagu soo dhisay maamulkani oo uu sheegay in mudo badan ay qaadatay dhisidiisa, waxaana uu ugu baaqay Ahlusuna in ay ku soo biiraan maamulkani isagoo ku ammaanay sida dhiigooda ay ugu soo hureen goboladani, waxaana uu xusay in diyaar ay u yihiin in Ahlusunna ay ka daweeyaan wax walbo ay tirsanayaan ayna la fariistaan.
Madaxweynaha ayaa sheegay Maamulada dhismaya aysan saameyn ku yeelan doonin maamul horey u jiray, waxaana uu tilmaamay Dowladda Soomaaliya in ay ku mashquulsantahay Xasilinta iyo dib u dhiska dalka.
